1
psalmus in confessione
2
iubilate Domino omnis terra servite Domino in laetitia introite in conspectu eius in exultatione
3
scitote quoniam Dominus ipse est Deus ipse fecit nos et non ipsi nos populus eius et oves pascuae eius
4
introite portas eius in confessione atria eius in hymnis confitemini illi laudate nomen eius
5
quoniam suavis Dominus in aeternum misericordia eius et usque in generationem et generationem veritas eius